中興美食

营业中

休息中

太安楼名物头5位一定有中兴份，唔好睇少佢D炒面炒河炒肠粉，够镬气而且平靓正。炒肠粉系我至爱，𩠌就拣杂锦，入面有火腿丝、迷你狮子狗鱼蛋、蟹柳丝、虾卷丝等，落单时建议叫佢帮你炒㶶D，同埋要走芽菜(呢个系个阿姐教我嘅，佢话芽菜会出水所以会另到D肠粉炒得唔够干身)，因为D胶粉比一般D粉面厚身，所以炒㶶D一黎会香D，二黎因为炒嘅时间长咗所以会更加入味。另一份我就拣咗炒油面，𩠌都系叫杂锦因为费事烦，呢个唔洗走芽菜亦唔洗叫佢炒㶶D都已经好好食。