糖水檔1987

营业中

休息中

佢哋系一间30多年老店，由熟客接手重新演绎嘅糖水铺，附近食完饭就过嚟试吓佢哋个糖水同宵夜如何。🫕XO酱炒萝卜糕佢哋嘅萝卜糕同XO酱都系自家制嘅，即叫即炒保证食落一定系热辣辣，萝卜糕大小适中啱晒一口一块咁食，外层有少少脆而糕身软熟，口感唔错，自家制嘅XO酱辣辣哋咁够香够惹味，底下仲有大量炒香咗嘅芽菜，个人觉得性价比同诚意都十足。🫕鸭肾菜干猪骨粥第一啖已经食得出系熬制咗好耐，食材入晒味嘅老火粥，粥身够鲜甜带有菜干嘅甘香，加入鸭肾增强口感亦都唔错。🫕椰汁公主材料有椰汁西米露、芒果同挑胶，果肉偏甜唔会太酸，西米露同桃胶配搭亦都唔错，最紧要够足料。🫕椰汁芒果西米炖蛋白 $48底层系自家制鲜奶蛋香，配埋芒果椰汁西米露，佢哋嘅蛋白甜度啱啱好，整体食落系非常之滋润解渴。