炊豕店 (威靈頓街) (已結業)

每一次经过铜锣湾炊豕店都大排长龙，餐厅受欢迎程度不难理解，第一价钱几便宜，第二炸猪扒太出色😍。今日难得系非繁忙时段经过中环分店，我当然要食炊豕店既炸猪扒。餐厅走简约风格，颜色比较统一，作为地舖楼底高，而且座位之间排得几疏，坐既时候感觉比较舒服😌。餐厅提供口罩袋，抵赞👍🏻- 秘制猪扒配胡椒猪骨汤米线呢个系餐厅新出品！汤底呈奶白色，入口清甜，饮嘅时候完全唔觉口渴，相信无乜味精。不过胡椒味欠奉🤭。米线偏向硬身少少，炸猪扒系本店镇店之宝，炸猪扒有手掌咁大，炸浆厚薄适中，猪肉外脆内软，肉质非常软腍。- 叉粒豆角葱花炒滑蛋饭滑蛋炒得好嫩滑，蛋香十足，加上爽口既豆角、香甜既叉烧粒同葱花，口感层次更丰富。另外餐厅用左珍珠米，饭粒圆润烟韧，而且滑蛋差唔多覆盖成个碗，非常满足。希望炊豕店不久既将来系九龙湾开分店，咁我以后每日起身返工唔使为下午食咩而烦恼，星期一至五都食炊豕店！