百匯軒

营业中

休息中

立春郊游完，返嚟同屋企人庆祝生日，本来谂住去茶餐厅食小炒，但系惊啲屋企人坐得唔舒服最后去咗酒楼食。来之前打电话问过有冇散叫唔食套餐，个知客吞吞吐吐话都有嘅。咁你就坐低，见到超伏大概90%嘅话都系套餐，散叫嘅话得返几款。最后死死地气叫三宝。先讲讲个三宝先，拼盘啲叉烧还可以，烧肉脆皮的，但系啲油鸡同埋烧鹅俾d咩位你？另外相片嘅话有青瓜海蜇，成个拼盘系冇嘅。明白图片系参考，但系下次都要醒水啲问吓佢有冇海蜇先如果有下次。另外平时龙𧄌两味都系大概二百几蚊，拼盘都系百零蚊，但系而家计埋加一系要五百几蚊三宝性价比真系低。个清蒸龙趸，咬落去成口鱼鳞，个西芹炒龙趸又变咗荷兰豆，事前有冇同我哋讲声。屋企人唔食得豆又少咗尾𩠌可以食。另外嗌咗个XO 蚌片小炒王，成碟嘢得一块蚌，仲要比三宝一碟嘅份量细一半。本来屋企人生日都唔想多出声，但系实在忍无可忍太离谱。即刻叫经理过嚟睇吓究竟发生紧什么事，最后佢取消咗，又食少一个𩠌，但一肚气都饱晒。饮茶是正常的，但系晚饭真系不敢恭维。