柳氏家 (已結業)

好怀念韩国～ 难得揾倒柳氏家呢一间韩国风味炒辣鸡！吸引咗我同朋友远赴荃湾一试！呢度有得拣任食，星期一至四晚市只系$128一位，每台可以选两款口味嘅鸡，无限任食！如果想食埋铁板烤肉，都系$158一位！今次同朋友拣咗加埋烤肉😋😋第一转我哋拣咗《柳氏家辣炒鸡》加炉边芝士一份$38店员教我哋先每边鸡煎2分钟，再兜炒杂菜4分钟，好简单就搞得掂但系又可以落手玩 台上有个漏斗俾大家计时⌛️完成咗嘅炒辣鸡系咪好吸引呢食到咁上下我哋就加埋炒面～每款鸡都可以拣炒面或炒饭～ 推荐炒面！不过我哋都认为味道唔够辣如果辣啲就好味好多～第二转叫咗唔辣嘅蜜糖炒鸡一样叫咗炒面～ 另有一番风味食咗两盘炒鸡，得返30分钟食烧肉。不过烧肉好难控制，张纸系咁㶶，啲肉都好快㶶，可能店员开得太大火😂 同埋啲肉嘅质素我觉得一般般～ 所以下次我哋嚟应该唔会加烤肉🥲另外出面自助区仲有沙律🥗、泡菜、生菜🥬、汤、饭、雪糕🍦等等供应，我觉得呢个价钱嚟讲算系好充足～！ 不过时间只有90分钟，炒鸡又需要时间，而且上菜换口味等等都有啲慢，唔够时间食，如果加到120分钟就好了。