四季餐廳

营业中

休息中

因为工作关系要去梨木树食晚餐，Search Openrice似乎真系无乜好东西，第一次去梨木树就梗系四围行下顺便拣下食乜野啦，去到现场行晒发现，基本上一个普普通通嘅晚餐原来平均都要$60-$70，唔怪得最多人排队嘅就系大家乐，咁一场去到，又无理由食大家乐啦，结果就拣咗呢一间，见佢有D人气同埋D座位都好似唔错。拿起Menu，真心拣唔落D Set Dinner，于是就叫咗个厦门炒米，野饮都唔叫，谂住食完出去买罐可乐就算。厦门炒米卖相都OK，镬气都够，有甜甜酸酸嘅十锦菜，都唔错，不过如果可以再酸少少应该会更加好食。另外阿姐好好人请我饮咗碗例汤，个例汤都好足料架，可惜唔记得影相。