別府駅前料理 (青衣城1) (已結業)

星期五晚要揾位食饭都真系一项挑战。约咗朋友响别府食晚饭。拎二人枱。奇怪餐厅俾左三张四人枱都无俾过二人枱。好彩最终都系二十五分钟左右有位。坐低左等朋友果五分钟店员并无催促过落单。叫左寿司（黑象拔蚌、赤贝、海胆）同三文鱼卷。蚌类野，本人认为要冻些小先至食到佢地爽口既感觉。无奈象拔蚌同赤贝只系微凉，食唔到爽口感觉，觉得有d 浪费。海胆紫菜仲脆，好明显即包！但或者我先食蚌类，觉得海胆味淡。寿喜锅个锅得三吋深，所以其实无乜料。但70蚊左右又要求唔到咁多。炸鸡软骨。一般！有d 好似无肉（或者粉）而无软骨。海鲜石锅炒饭不可看小。劲夕至樱花虾。入面有带子同青口肉。食到尾仲有小小饭焦添！