鉄板200 (已結業)

与久未露面的朋友吃晚饭，地点由他选择。沙田新城市广场，装修后真是唤然一新。印象中，装修后只去过一次美心皇宫和Fish & Co.，今次朋友拣了Teppan。预左要等位，等8张位又唔算多，所以都没有再去尝试找其他地方，在商场行个圈便回来等吃。怎料，回来时已过了很多张台。幸好知客都好识做咁立即安排座位，抵赞。朋友喜欢食三文鱼，先点一客三文鱼刺身。再看过餐牌，选了一个奄列鸡丝炒面和一个特制咖喱炒饭。两个人原本应该唔够食，但小弟刚巧有点不舒服，没什胃口。三个𩠌食住先。三文鱼刺身，有五片，算是肥美鲜甜。奄列炒面卖相唔错，奄列包著炒面、鸡肉丝、红萝卜丝和生菜丝咁。面唔够热，亦欠口感，但就几重姜汁味。奄列如可煎耐多一点点时间，相信会更美味香口。特制咖喱炒饭我并不喜欢。饭是用珍珠米炒成，而非一般的泰国米，但效果麻麻。咖喱唔辣，也不够香。猪肉碎捞饭亦欠缺了应有的口感。食物算一般，服务要加分。以咁既价钱，可入再选择范围之列。