麺匠 真武咲弥 (已搬遷) 新店位置

夜麻麻突然想食拉面，见依间未试过，即刻走入去试下。嗌咗招牌嘅炙热味增拉面，加咗个饺子。一嚟到试吓个汤先，汤底几特别，唔系平时嘅猪骨汤。佢喺块叉烧上面加咗少少蒜，系俾你捞落个汤度嘅，捞完再试多啖汤，果然唔同咗。面底就普通啦，唔系几够弹牙。叉烧得一块，好肥，钟意食肥叉嘅就啱晒。另外有几粒细细粒嘅叉烧粒，反而几好食几入味。除咗叉烧，配菜仲有几块笋片同芽菜令碗面清新左健康左。再饮下个汤觉得咸咗少少。饺子就得五粒，但系要成$45唔系咁抵。