泰小子 (已結業)

夜晚肚饿，想起置乐超高人气的煎饼，就行过去碰个运气⋯⋯炙烧棉花糖香蕉煎饼棉花糖大大粒咁铺喺煎饼上面，未食已觉得好吸引！疫情关系，我买返屋企，焗返热先食，胀卜卜的棉花糖，不但外脆内软，仲做到拉丝效果，真系MM7！煎饼入面夹左啖啖嘅蕉肉，甜甜地，令我好满足！抹茶红豆鲜奶麻糬 抹茶红豆呢个经典组合，基本上没得输，单独食觉得略甜，但混合鲜奶麻糬一起食，甜度恰到好处，麻糬本身牛奶味浓，质感烟烟韧韧，觉得几特别的泰式小食！蜜桃冰摇茶选了有推荐符号的蜜桃冰摇茶，热卖榜Top3，清新的口味，令人觉得好轻盈，没负担。呢杯好惊喜!