影片
更多
2024-09-15
1410 浏览
未够六点就未正式开门，谂住早少少到费事迟。就撞著一班同事喺门口煲烟。其实就无话唔可以嘅…但系做食肆，最好唔好畀人见到啦。𠮶头见同事报完烟掉开支烟头，呢头就见同事趁住烟咁问我几多位。有啲嘢，宁畀人知莫畀人见。一单还一单，食物嘅未道就正常偏好嘅。个人觉得好多串烧店都会选择落多啲调味嚟遮咗食材唔新鲜呢间舖冇咁做，调味都算做得刚好。一坐低就有一杯仔鸡汤饮，个人觉唔太好味。点咗烧牛舌心，炭火地鸡，鳕鱼干，明太子山药，柚子胡椒串烧鸡腿肉，甲罗烧，鸡颈肉，月见鸡棒，鸡软骨。整体嚟讲佢哋烧鸡嘅调味都做得唔错。烧鸡嘅都可以做到外脆内软兼juicy，仲要食到鸡原本鸡味无雪水味。试过咁多间串烧店嚟讲都算系几唔错。牛舌心本身调味都处理得几好，唔理解佢伴碟𠮶啲冇乜味嘅酱汁有咩用，因为佢烧得几好嘅关系，借用咗烧鸡腿嘅柚子胡椒，另外餐厅有提供山椒粉，都已经几好食。月见鸡棒，细旧咗少少，不过不失，会推荐其他嘢多啲。有赞就一定有弹。鳕鱼干，唔系唔好食。但系其实只系X发鳕鱼香丝(有一片片装)放入气炸锅焗再加啲沙律酱，唔值呢个价。因为我自己都试过咁样整嚟食。喺广X兴度买$26有18片。其实小弟一路都唔建议喺居酒屋叫鳕鱼干、
就撞著一班同事喺门口煲烟。
其实就无话唔可以嘅…
但系做食肆，最好唔好畀人见到啦。
𠮶头见同事报完烟掉开支烟头，
呢头就见同事趁住烟咁问我几多位。
有啲嘢，宁畀人知莫畀人见。
一单还一单，
食物嘅未道就正常偏好嘅。
个人觉得好多串烧店
都会选择落多啲调味嚟遮咗食材唔新鲜
呢间舖冇咁做，调味都算做得刚好。
一坐低就有一杯仔鸡汤饮，个人觉唔太好味。
点咗烧牛舌心，炭火地鸡，鳕鱼干，明太子山药，柚子胡椒串烧鸡腿肉，甲罗烧，鸡颈肉，月见鸡棒，鸡软骨。
整体嚟讲佢哋烧鸡嘅调味都做得唔错。
烧鸡嘅都可以做到外脆内软兼juicy，
仲要食到鸡原本鸡味无雪水味。
试过咁多间串烧店嚟讲都算系几唔错。
牛舌心本身调味都处理得几好，
唔理解佢伴碟𠮶啲冇乜味嘅酱汁有咩用，
因为佢烧得几好嘅关系，
借用咗烧鸡腿嘅柚子胡椒，
另外餐厅有提供山椒粉，都已经几好食。
月见鸡棒，细旧咗少少，不过不失，
会推荐其他嘢多啲。
有赞就一定有弹。
鳕鱼干，唔系唔好食。
但系其实只系X发鳕鱼香丝(有一片片装)
放入气炸锅焗再加啲沙律酱，唔值呢个价。
因为我自己都试过咁样整嚟食。
喺广X兴度买$26有18片。
其实小弟一路都唔建议喺居酒屋
叫鳕鱼干、鸡泡鱼干、味淋鱼干呢类嘢。
但最老土系呢几样嘢都系出色嘅下酒菜，
你去得居酒屋或串烧屋呢啲地方饮酒，
唔叫呢几样嘢又争紧啲。
甲罗烧，断估应该加咗料理酒，去腥用。
甲罗烧就一定系入货先有啦，
见佢都加工咗有落只鹌鹑蛋同飞鱼子。
不过应上面𠮶两样嘢就后落嘅，
其实建议落咗酒之后再煮一煮去一阵间先，
等佢唔使咁水汪汪同埋唔使咁浓酒精味，
鹌鹑蛋唔落蛋白会好啲，
太多，水汪汪，捞咗好耐，
终于叫做扒到上块多士。
题外话，我想影个清酒list嘅时候
发现侍应已经收返，
碍于唔想打搅咁忙嘅两位，
我亦冇问佢哋攞。
小弟望到佢哋清酒list入面
全部都系果香比较多嘅薰酒，
当然有其中一支佢有介绍话系有米香
但系老实讲，清酒系米酒，
一般嚟讲都具有米香同旨味只系多与少嘅分别，
盐烧串烧，同有酱汁嘅料理都系分别地
用偏香气较清新酒酒体薄身爽快嘅爽酒，
同带米麦香、陈年(酱油或菇菌)香、
旨味等而酒体偏醇厚嘅醇酒会比较适合。
当然因为呢两类酒一般成本较低
而卖到嘅价钱亦都唔似纯米吟酿及
纯米大吟酿呢类清酒高，
加上市民大众都会误以为
有花果香气先叫做传统清酒。
大部分香港嘅居酒屋都费事入咁多爽、醇、熟酒。
清酒，边有咁多香港人识欣赏。
导致香港大部分进口商，
都情愿卖多啲薰酒，有价有市，先有得赚。
但有趣嘅系，日本人系钟意饮啤酒，
其次系烧酎(读音：就，唔系酌)。
基本上佢哋去得居酒屋都系饮啤酒多。
不过其实睇大家入咩酒同点sell啲酒嘅啫。
张贴
