忠孝東路

营业中

休息中

一向都好钟意食台式野，今日就嚟咗呢间忠孝东路食晚餐。餐牌上除咗常见嘅牛肉面同三杯鸡之外，仲有好少见嘅女儿红花雕系列，见到醉鲍鱼真系流晒口水，奈何今日得自己一个人，冇办法嗌咁多嘢食😭💔香葱鲁肉拌面($68)份量大大碗，对于比较细食嘅我黎讲，真系用尽九牛二虎之力先清得晒成碗面🙈闻落去好香葱味，但食落去只有淡淡葱香，鲁肉味几突出，而且唔会好多肥猪肉，配埋青瓜丝一齐食就冇咁腻。我平时唔太钟意青瓜个阵草青味，不过加埋鲁肉就平衡返，仲多左一份清新既感觉。面条条条分明，质地都几湿润，唔会干争争，一达达，而且每一啖都食到鲁肉。虽然味道称唔上惊为天人咁好食，但系都几有台湾嘅风味😆另外叫左一杯炭烧奶茶，好钟意炭烧奶茶𠮶种独特嘅香味。叫咗少甜，所以甜度啱啱好，茶味都几重，岩晒我，very good。