Mark One (已結業)

今日约咗旧同事食午餐，于是就去我哋嘅老地方”mark one”食。以前我仲喺炮台山返工嘅时候成日都同同事嚟哩间餐厅食，我哋嘅例牌系牛扒，其实餐厅每隔两个月左右就会换新Menu，不过食材主要都系𠮶几样，只系通常煮法会有少少唔同，或者酱汁会唔同。今个月原来系炭烧纽西兰肉眼扒，而是日餐汤系南瓜忌廉汤，我order 左哩个汤同五成熟嘅牛扒，薯菜转左跟饭。佢哋先上餐汤再上餐包，餐包系有焗过，所以外脆内软仲有少少热，而牛油可以自己选择搽几多。今日个南瓜忌廉汤同平时饮嘅有少少唔同，我觉得有d甜味，似乎落左甜粟米但系打碎左，好饮！牛扒的确做到五成熟，而且放落口真系食到炭烧嘅味道，之前帮衬过好多次都系order牛扒，次次都保持到水准，永无失手，超赞👍🏻反而今次嚟，觉得个服务差左，除咗因为人手唔够之外，有个侍应好似唔知自己做乜咁，要收嘅碟又唔收㖞，成日挂住睇电话，我地等左两分钟先至叫到佢埋单。