茶一 (已結業)

呢日又喺鲗鱼🐠涌上堂，咁紧系要喺附近觅食啦。放咗学行下行下就过到去炮台山呢边，主要系想去油街，沿途经过间饮品舖，实在太吸引我喇，因为有神级冷气🌬，正啊，而且有大大个易拉架介绍有乜嘢饮，所以我同个frd都一人买咗一杯🥤。我要咗芝士奶盖黑糖珍珠奶茶($29)，要咗半糖少冰，果然系跟足指示，珍珠大小适中，够烟韧，黑糖味浓，由于要咗半糖，所以靠啲珍珠吊味啱啱好👍🏻，我好惊太甜🙅🏿‍♀️。而佢嘅奶盖系偏咸，同我想像中唔同，成杯饮品变咗有唔同层次嘅味道。😂朋友就要咗😇天使(焦糖鲜奶牛乳布丁)($28)，落单时店员话呢杯本身无糖㗎，定Set好咗，所以唔洗拣糖量。呢杯系鲜奶所以系白色㗎🥛，我偷饮咗啖(几啖)，又几好饮啵，同样哋唔会太甜，而且个🍮布丁好夹，焦糖味淡淡哋唔会抢咗个味😍。总括嚟讲，两杯都唔错，够大杯，又唔会过甜，而我自己更钟意天使呢杯👍🏻。其实茶一饮品嘅选择超多，而我懒得拣见到易拉架有图嘅又吸引我嘅就叫咗😂哈哈。下次再经过细心研究下先，而且价钱都唔算贵。去开炮台山一带嘅可以前来一试哦。