知粥嘗樂 (已結業)

今日去咗炮台山嘅知粥尝乐，试吓佢哋嘅砂碢粥同小菜。今日我就点咗鲍鱼虾蟹粥小碢，因为要等返啲位试小菜。小菜我就点咗牛根腩肠粉煲，其实一开始已经被餐牌上面张相吸引咗。小碢鲍鱼虾蟹粥非常有份量，而且亦都好足料！ 虽然餐厅提供拆蟹工具，但其实整只蟹已拆件，好多蟹肉，方便周到。两件鲍鱼好弹牙，再加上唔少熟虾，感觉上料多过粥。而牛根腩肠粉煲一上菜就滋滋声，牛腩香味扑鼻。牛根同肠粉非常入味，𩠌粥一流！而呢度嘅红豆冰系我饮过最香浓炼奶味，红豆亦多，好正！呢间餐厅嘅砂锅同小菜，水准比得上酒楼。