元朗新記 (吳松街)

营业中

休息中

由细到大都好钟意食粥，今日黄昏时候一个人喺佐敦揾嘢食，谂起朋友介绍过新记，总店喺元朗不过喺佐敦开咗分店，即刻Google一下佢位置，发觉原来好近佐敦地铁站，嗱嗱声行过去。唔使等位，一个人入到去，心大心细谂紧到底叫贵妃鸡粥好定系泥猛粥，考虑到卫生问题结果都系叫贵妃鸡粥。贵妃鸡粥成个瓦煲上，试一啖粥，相当绵，有米香味，又有鸡味；鸡就比较一般，因为佢俾咗个鸡胸所以比较硬，但系都叫做好味。亦都叫咗份炸两，肠粉里边嘅油炸鬼仲系脆的，呢个真系好正😋一个人的简单晚餐，都食得几满足。