天祥飯店

营业中

休息中

话说取消疫苗通行证之后第一个星期六，去咗红磡街巿文记(见另文)，食到连女友小熊都唔满意!第二日，星期日，当然要食间好D嘅餐厅啦!由于要落鸭记买工具，于是乎拣咗基隆街强记!太耐无去，差D行错路!点知落到去，乌天黑火，无开档，唉..... 唔知系咪又褶埋!哩个已经系香港新常态!疫情之后，好多餐厅都结业，希望强记只系休息吧.想帮衬强记系因为方便泊架电单车，一路食一路睇住，咁..... 转去去天祥成为不二之选，爱文新就唔好啰，懒得等位!今次去天祥，即刻有位唔洗等，食D咩由小熊话事，佢拣咗个炒圣子，西兰花鲜鱿同炸子鸡.𠵱？炒圣子D相无咗记录？炒圣子唔够嫩口，相信只系时令问题吧，错手食咗只辣椒辣到跳舞，但小熊话D辣椒一D都唔辣!我怀疑小熊唔系地球人，系外星人，派嚟地球系我身边监视我!西兰花鲜鱿嘅鲜鱿炒得紧紧熟，所以入口弹牙又嫩口，唔会过火变韧.炸子鸡一级棒啦!鸡肉又系啱啱熟，仲有少少血，肉质嫩滑，皮又香脆，推介!前后食咗一个钟，总共有三批人走嚟问我，系咪边部边部车嘅车主，话部车顶住佢走唔到，下次D车主帮帮忙，食饭果时留一留个联络电话系车头吧!