泰肥牛海鮮火鍋菜館 (已結業)

本来无谂住食呢间，买买下布落雨，又见有D肚饿，7点唔够已经食Dinner，入到去只系得一台客。两个人食野唔多，只系点左肉碎煎蛋饭，虾膏椰菜苗，仲有个海鲜………登登登登，泰式避风塘爆炸赖尿虾，因为想知佢点爆炸。叫个饭纯为饱肚，捞蛋食呢种阿妈式做法我都几钟意，加埋香茅味，呢个普通得黎都有D唔普通，起码屋企唔会咁整。再加埋个少少硬身既虾膏椰菜苗，又系香口野，真系好夹。不过同食生菜包一样，肉碎最后系食唔晒~~~~SORRY~~~~我都唔想浪费，不过真系已经饱了。到个避风塘爆炸赖尿虾，避风塘食得多，所谓爆炸，原来系将好多香叶加埋入去爆香佢，爆到叶都脆埋。食落赖尿虾比就咁避风塘系多左D泰式香叶味，亦都冇咁辣，仲有小心成手都系呢种味…………食赖尿虾好难唔用手呀 > <! 虾虽然唔算好大只，不过都好鲜味，呢碟一旧水唔使，OK可以一试。