蒲東小館 (彌敦道) (已結業)

路过见有上海嘢食，又唔系贵，系套餐所以都谂住试。下午2点开始下午茶， 冇咗个小食但平十几二十蚊。叫咗炸排骨担担面同炸鸡扒担担面，追加一笼小笼包同埋两件生煎包。嗌咗冻柠茶同埋热奶茶。炸排骨系林嘅，炸鸡扒虽然脆，但系鸡肉同埋炸排骨嘅猪肉系畀梳打粉腌到好大浸梳打粉味。 食咗两条肉放弃咗。担担面啲面唔冧ok。小笼包皮薄都ok但系里面啲肉唔ok。生煎包超唔掂个底唔脆又唔热。冻柠茶ok。奶茶简直系地狱级完全系奶水一杯。我喺个如果唔太难食，正常味道都会食晒嘅人，都竟然可以净低成杯奶茶冇饮，啲鸡扒同排骨 净低晒冇食。难得星期六出街食咗啲咁难食嘅嘢真系搞糊晒个星期六，唉。