一薯 (已結業)

本身谂住行去买妈咪蛋仔，不过行去途中见到呢间小店新开，专卖薯条，我同女友都可以话系薯条迷，价钱又唔贵就一于试下。小店内外佢厨房位都算大，而食物整既速度亦快，唔洗等好耐。食物选择专食薯条，仲分左日式同比利时式薯条两种，不过都有炸鸡同窝夫卖，价钱最平$18有交易。日本超长薯条(黑松露蛋黄酱) $3030cm既薯条，一拎上手真系几惊喜，起码系平时食既2倍长。有好多款酱可以拣，试左黑松露蛋黄酱，食落外层微脆，薯味唔算太重，不过色水就唔多靓，可能炸油用得比较多次，睇到薯条颜色偏深色左啲，食落亦有啲油溢感重。比利时薯条(一薯酱) $30呢款冇日本超长薯条咁多酱拣，而我拣左一薯酱，一薯酱即系蛋黄酱、蕃茄酱同鲜洋葱粒。呢款就系平时食开既粗薯，以薯味黎讲比日本超长薯条重，同埋外层脆身少少，内里薯肉厚实返啲，不过就同日本超长薯条问题一样，颜色偏深，油溢感重。我会觉得系中下水平，炸油唔算新鲜，令炸出黎既薯条唔够爽脆，而系油多，食得多几条喉咙唔太舒服。