火五越式牛肉粉專門店 (華生樓) (已結業)

Badboy约咗朋友收工一齐食晚饭，拣咗呢间喺太子嘅越式餐厅，事关粉类入面badboy偏好食河粉😋-🥩火五生牛肉粉$46可以拣河/檬粉，badboy当然系拣咗河粉啦😂嚟到见个碗好大，而且比想像中多粉😮以前badboy食到嘅生牛肉多数口感麻麻，尤其浸耐咗就会干硬。而火五嘅生牛肉浸得耐都仲系嫩口👍🏻-🍗意大利黑醋汁蒜蓉牛油鸡翼$58呢个鸡翼有惊喜😳个皮炸得又薄又脆，鸡翼肉厚多汁配埋惹味嘅黑醋汁、蒜蓉同牛油香，好好食👍🏻仲要系鸡全翼，性价比高😋必食🤤-🥕蔬菜长春卷$28有三条长春卷，真系好长😆本身觉得春卷有啲油腻嘅badboy觉得呢个春卷好赞👍🏻都系皮薄又脆而且一啲都唔腻，入面嘅蔬菜都令条春卷几light几fresh😳食两条都无问题！-🐤火五麻辣酸菜鸡丝汤粉$48火五嘅麻辣汤底唔太麻，朋友唔食葱所以走咗青。-呢度有得自助斟水，有落青柠浸住。另外佢其实有套餐，套餐价都几抵食。