德發小廚 (已結業)

经常去深水涉开餐, 食市竞争非常激烈, 在汱弱留强既情况下, 有几间质素好既自然会有好多人排队帮衬, 呢间就系其中一间当日下午六点钟就去到呢间电视台介绍过既舖头, 由于之前有朋友来过帮衬, 今次点了几款佢上次未试过既菜式, 包括有酒香红猪手、脆豆腐并虾饼、黄金虾、椒盐茄子等; 在等候期间有侍应拿著猪红及鳯爪, 好有茶楼饮茶Feel, 而我哋就选了猪红($8), 猪红质地结实唔会一夹就散, 但入口又几滑溜, 味道唔似一般潮州打冷, 而系有少少辣香的, 咁既价钱实在唔错猪手最先到, 猪手煮前处理得唔错, 完全无毛可以安心食过痛快, 猪手煮的时间刚好咬落好松软, 但个酱汁处理得有点过咸, 将原有既酒香盖过, 有少许改善空间脆豆腐并虾饼好大碟, 当然价钱亦唔算平啦($108), 炸豆腐非常出色, 豆腐超滑而炸浆好薄, 唔会一夹就散; 而个虾饼反而有点儿比下去, 因为质地唔够爽弹(甚至乎可以叫做淋), 虾味只是一般而已, 下次只会净叫脆豆腐罢椒盐茄子亦炸得非常出色, 由于茄子系厚切, 食了两件就开绐饱肚黄金虾系今晚最惹味的一道菜, 呢间舖头落咸蛋一D都唔吝惜, 海中虾又够大只有咬口, 好食到差D