新合發飯店

营业中

休息中

食大排档最紧要讲镬气同火喉，呢间蜜汁黑椒牛柳粒出名就应该好多人知道，薯仔有薄炸浆包住再回镬，外脆内软，牛柳粒足味够软，挂哂汁超加分！ 啤酒吹水一定配香口食物，点左牛油焗白饭鱼，椒盐三脆，黄金鱿鱼，椒盐豆腐！ 先讲牛油焗白饭鱼，牛油味好香，个皮好脆入面热辣辣，推介！椒盐三脆有鱼仔，鸡软骨同腰果，鸡软骨腌左味好香，包住薄炸浆炸，好味！黄金鱿鱼就湿左少少同椒盐豆腐偏淡口唔够味。炸小棠菜入要有墨鱼胶同小棠菜，两者味道都好突出，又好夹！另外，仲点左沙嗲肥牛煲，肥牛就普通货仔，但粉丝吸哂个汁，无得输！沙拉骨就麻麻，个做法系京都肉排加沙律酱，出面食系会兜乱，成件肉包住酱，咁食就浪费了。