金子半之助 (新都會廣場) (已結業)

我好钟意食金子半之助，又近我公司，放工都间唔中走过来食下天妇罗，呢度嘅茶系黑豆茶，啱晒食天妇罗时怕热气可以下火，仲有护肝、除湿热、消水肿作用😉呢度嘅饭粒好软糯～好咬口，饭碗仲特别厚作用于保温，可以一边食住天妇罗，米饭仍然温暖湿润～🥳丨江户前天丼 ｜$138材料有穴子、海老、小柱鱿鱼天妇罗饼、温泉蛋、海苔、荚豌豆，炸粉唔会好厚较薄身，穴子唔会炸到过干，肉质几嫩滑而且配埋秘制酱汁，纯天然大豆、无添加原材料，别有一番风味～加啲七味粉少少辣仲惹味~🤩🤩🤩｜上天丼｜$98材料就有菇菌、小柱鱿鱼天妇罗饼、温泉蛋、海苔、荚豌豆，同样日本米好软滑、有咬口，加啲古麻油，芳香扑鼻分人食指大动～我哋仲升级做车海老～较厚身，比平时普通嘅虾大一倍，质感仲更加爽口～🥰🥰