Wing It! (已結業)

听朋友讲铜锣湾利园呢头开咗间专食鸡翼嘅舖，好似仲话几有特色嘅，所以收工就过去一试，位置几方便，而且个招牌好sharp，离远已经见到。入到去，店内以黄、白色为主调，风格好美式，而点餐系自助形式，先去counter点餐、付款，然后店员会帮手拎食物去位。嚟到梗系主要食鸡翼，有得选择4/8/24只，而鸡翼可以拣脆皮或者原味，口味加酱料有成廿几个选择咁多，但系心思思嘅朋友唔需要系落单嘅时候拣定，因为所有酱都系自行on top加上去，唔洗落单嘅时候叫嘅。wing it水牛：味道偏辣，带酸。甜香蒜味：蒜味、咸味重，重口味之选。蓝芝士酱：臭得嚟好香。田园酱：好清新、唔腻嘅沙律酱。另外，叫咗炸芝士条，芝士拉丝力超强，而且炸得好香脆，配合芝士咸香，非常惹味，必叫！最后，唔系几够饱叫埋薯条，估唔到份量咁多，仲要系即炸嘅，好香脆。