蓮香咖啡

营业中

休息中

本来想试通记既米通，但撞正星期一休息所以无缘啦。不过原来长州都有好几间铺头有米通食，于是就黎左莲香呢间啦。我点左份炸猪扒雪菜米通。米通份量十足，大大碗。炸猪扒唔错，腌得够味岩岩好。雪菜同米通都正正常常。值得一赞个冻奶茶，茶胆够香，所以冲出黎既奶茶重茶味，另外再点左一份咸牛肉蛋治烘底。因食过更好味既咸牛肉蛋治，所以觉得呢个真系麻麻地。佢唔系难食，只不过无惊喜既感觉，纯粹系普通既一份咸牛肉蛋治。因为见佢招牌系炸猪扒，所以以为其他炸既小食都ok⋯但可惜系我误会左⋯鸡翼虽然炸得够脆，但系好明显未腌够味⋯