永順食店 (已結業)

开工前就系要食个丰富早餐，所以就去又平又大份嘅永顺食！朝早7点几已经full到不得了，都等咗大概5分钟先有位。之前已经食过佢嘅沙嗲牛肉面，好好食！今次就试下食其他嘢，嗌咗炸猪排蟹王面。因为我想食到蟹王面嘅味，所以冇加到沙嗲汁，如果你想加可以同侍应姐姐讲声加汁。炸猪排热辣辣上枱，佢嘅炸浆好薄，唔系日式炸猪排个种。唔会好油，好香脆，猪排又唔炸到好干，系我食过嘅猪排里面嘅首一首二位！！蟹王面就系本身蟹王面嘅味，正正常常。上菜嘅速度好快，嗌完5分钟左右就陆续上枱，唔会话因为系炸猪排就要等好耐，好啱返工返学前去食。值得一提，佢真系好平！！！蟹王面系炸猪排嘅set里面系最贵，但都只系$32蚊！如果系食通粉/公仔面，最平都只系$28！！真系好耐冇见到有咁平嘅早餐食！even午餐都系呢个价，唔怪得有咁多人嚟食！！不过留意佢系唔包嘢饮，所以最后我加埋杯热柠水要$43，但都算平！！！呢间真系回头率100！