炊豕店 (威靈頓街) (已結業)

之前成日经过呢间铺都见到人龙，想食呢间好耐，𠮶晚终于收工过左黎食！见餐厅内嘅布置都好复古，相反menu就冇咁多花巧野，听个餐厅名都知道呢度系主要食猪嘅！首先嗌左个招牌菜，即系葱油猪扒饭！听到葱油初初有啲惊系咪一堆油浸住咁，好彩黎到系大量嘅葱同芝麻，油只系适量咁加落去令口感滑啲！个炸猪排真系几正，炸得好脆，唔厚粉，中间亦唔会好鞋，而且斩开几旧，易食啲！后加左只蛋，蛋汁送饭正！女仔细食嘅建议嗌少饭，因为份量都真系几多！男朋友嗌左猪软骨饭，猪软骨用炆嘅方法煮都好林！调味亦唔错。炒蛋应该用左2只以上嘅蛋去炒先有咁厚，好滑另外嗌左个芝麻鸡翼，呢个我就觉得一般，虽然炸物黎讲佢系做得几好，但调味唔够入味，只系喺面洒左调味粉。整体呢间餐厅几好，在中环价钱尚算便宜