炊豕店 (威靈頓街) (已結業)

做完嘢经过见到呢间猪扒店，原来是之前去开铜锣湾𠮶间的分店，我几钟意呢度嘅炸猪扒，很有份量，一定食得饱，识拣货，连骨有少少脂肪而且够大块，口感好，炸得酥香唔油，炸浆唔过厚亦唔会太薄。主要食炸猪扒，亦有几款选择，原味或者加肉燥汁、葱油、咖喱。今次就试葱油猪扒、回味肉燥汁猪扒、再加炸鱼蛋炸虾，作为晚餐份量刚好。肉燥汁好味但份量少，葱油几咸味道得但我觉得唔系好夹，不过原味猪扒饭比较干，葱油猪扒饭底有汁呢道好。我觉得麻辣鱼蛋调得啱味，麻辣味十足但过分。炸虾都好，虾肉紧实唔似雪虾，炸浆唔厚。呢间铺比铜锣湾大而且企理，中环晚上容易有位，唔使排队，性价比高。我估中午就要大排长龙。