金鶴拉麵 (和富道) (已結業)

每逢年尾，总会去维园年宵巿场迫吓！唔买花都行去睇吓靓花！系疫情之下寻找乐趣嘛！另外顺道去埋金鹤拉面食碗浓汤拉面！食浓汤拉面全因为钩起条引，早排食咗碗所谓嘅浓汤面，浓度同金鹤嘅浓汤简直差天共地，食得唔够满足唔够喉，所以走去金鹤补翻数.去过佐敦同天后店，今次嚟和富街分店，质素不变，浓汤味道质素一样，无分别.一路饮浓汤，一路发出满足之声！感恩！点嘅鸡肉浓汤拉面，鸡肉幼嫩得唔似鸡肉，正！另外女友点咗个炸软壳蟹香辣拉面，佢话汤底唔觉辣，我就辣到跳舞，唉..... 相信我女友系件辣妹.... 我受罪了... ~~>_<~~平时去大排档食饭都会点炸软壳蟹，但系食过N咁多次，都唔够眼前嘅炸软壳蟹咁大只！而且唔系单单斋落炸酱搅到大大只！大只之余外脆内软！中意食蟹嘅人士大力推介！好多时食拉面，份量总系不足，到喉唔到肺，放心，金鹤嘅拉面份量足够，拉面弹牙，满分.食拉面习惯点饺子，饺子皮脆馅料足，日本风味足.满腹就行去维园睇年花！