西貢德興麵家 (已結業)

虽然赶住上船，但早晨大过天，食左先讲。又发现得意野㖞，炸酱出前一丁，试试先。今日好多食客啊，赶时间 9 点半要上船，搭枱都要喇，张枱已经劲细啦 ﹗爆醉听唔到闹钟响添！我八点半先醒，梳洗去埋便便九点先上到的士呀！点都要食个早餐先上船啦！太阳蛋鸭胸酸辣炸酱出前一丁配厚多士，个面又分开上。翻炸鸭胸片，油到不得了！味道都好香口，几好味。太阳蛋无问题啦，厚多士我唔食架，如果知道一早唔要，好浪费。我仲以为咩炸酱，原来系潮式。个清汤原来系出前一丁汤粉，仲落埋生葱添？唔洗挂。捞出前一丁都系第一次，又好味㖞。面质弹牙，酸酸甜甜肉碎几开胃，辣就完全食唔到。