O’taste (禧利街)

营业中

休息中

夜晚谂唔到想食咩,经过呢间韩式食店,决定买炸鸡做晚餐$48/5件韩式无骨炸鸡,收银店员唔识得听广东话,只能用英文沟通,自问自己英文能力绝对正常,而且只系简单两句沟通,唔知点解整体感觉店员都唔系好友善,仲要黑面,而其实好多时候都会喺地道韩式食店遇到呢个情况讲番食物,眼见已经有好多炸鸡炸好放咗喺度,而负责煮嘢食嘅店员会马上再翻炸,大概等三分钟之后就完成,无骨炸鸡分量都几大旧,啱啱炸起非常非常热,好香。炸粉略嫌有点厚,鸡肉嫩滑,会配上两个酱汁畀客人,一个系韩式炒年糕嘅辣酱,另一个就酸酸甜甜既酱汁。虽然见到有啲食评都话呢间食店嘅嘢食好一般,但可能由于我今次只系试炸鸡,反而觉得味道几好,比我想像中嘅份量多,配上酸酸甜甜𠮶个酱汁几好食,而且够热够香,不过当然系比较热气啦希望呢间食店能够改善一下服务态度,咁就会更好啦。