影片
更多
2022-10-26
2284 浏览
星期六同阿妈近近哋出咗去观塘食嘢，行完街攰唔想去APM同人迫，所以就过咗隔离嘅亚太中心揾食😊。最终筛选完一轮之后，我哋决定帮衬「Dodam Chicken」。拣佢系因为觉得环境好似唔错，座位阔落，景观开扬，望住裕民坊街景。炸鸡以外，餐厅仲提供多款韩式料理🇰🇷。食物定价虽然唔算平，不过胜在大大碟，两个人嚟食实在嗌唔到几多嘢。招牌苹果薄饼($165)，我想食苹果薄饼好耐㗎喇，冇谂过竟然系喺韩国餐厅食到🍕。呢度嘅薄饼坚薄，直头好似饼干咁脆卜卜。由于馅料都多，佢近乎满泻，支撑唔到。🍎苹果馅有两款，分别系果干同浸泡咗嘅果肉，双重滋味，食落会联想起甜品苹果批，但有芝士又令佢似返咸食。蕃茄卡邦尼ROSE炒年糕($155)，炒年糕系人气好高嘅新派韩国菜。卡邦尼忌廉口味好常见，🍅不过加入蕃茄后别具特色，亦正正解释咗为何叫ROSE，因为菜式呈现一片红🌹。炒年糕烟烟韧韧，并且仲加入咗葛粉，其他配料则包括烟肉、鱼糕、泡菜、洋葱同杂菇等，丰富呢！云呢拿乳酪沙冰Vanilla Yogurt Smoothie($48)，虽然唔系食炸鸡咁热气，但嗌返杯嘢饮清清味蕾都唔错。🥛乳酪沙冰几滑，由于混入咗云呢拿，口感甜甜酸酸
星期六同阿妈近近哋出咗去观塘食嘢，行完街攰唔想去APM同人迫，所以就过咗隔离嘅亚太中心揾食😊。最终筛选完一轮之后，我哋决定帮衬「Dodam Chicken」。
拣佢系因为觉得环境好似唔错，座位阔落，景观开扬，望住裕民坊街景。炸鸡以外，餐厅仲提供多款韩式料理🇰🇷。食物定价虽然唔算平，不过胜在大大碟，两个人嚟食实在嗌唔到几多嘢。
招牌苹果薄饼
$165
25 浏览
1 赞好
0 留言
招牌苹果薄饼($165)，我想食苹果薄饼好耐㗎喇，冇谂过竟然系喺韩国餐厅食到🍕。呢度嘅薄饼坚薄，直头好似饼干咁脆卜卜。由于馅料都多，佢近乎满泻，支撑唔到。🍎苹果馅有两款，分别系果干同浸泡咗嘅果肉，双重滋味，食落会联想起甜品苹果批，但有芝士又令佢似返咸食。
蕃茄卡邦尼ROSE炒年糕
$155
13 浏览
0 赞好
0 留言
蕃茄卡邦尼ROSE炒年糕($155)，炒年糕系人气好高嘅新派韩国菜。卡邦尼忌廉口味好常见，🍅不过加入蕃茄后别具特色，亦正正解释咗为何叫ROSE，因为菜式呈现一片红🌹。炒年糕烟烟韧韧，并且仲加入咗葛粉，其他配料则包括烟肉、鱼糕、泡菜、洋葱同杂菇等，丰富呢！
云呢拿乳酪沙冰Vanilla Yogurt Smoothie($48)，虽然唔系食炸鸡咁热气，但嗌返杯嘢饮清清味蕾都唔错。🥛乳酪沙冰几滑，由于混入咗云呢拿，口感甜甜酸酸，颇开胃的。
总括嚟讲，今日食嘅两款菜式都有惊喜😍，味道有返咁上下，唔系斋讲噱头。不过餐厅话晒系炸鸡店，点都要嚟食返次炸鸡嘅，下次啦🍗！
张贴
