Sodam Chicken (已結業)

同几个好钟意去韩国嘅朋友聚一聚，又点可以唔食韩国野呢今次就食炸鸡！我地黎到中环，舖头细细，分上下两层，迫迫地都有十张枱。我地一坐低就睇下个menu，都有好几款炸鸡选择，花多眼乱，我地三个又叫唔到咁多，最后决定叫个二人餐，再加多一份标准分量嘅炸鸡。二人餐我地选择左黄金咸蛋炸鸡，鱼串汤，芝士薯条，仲包两杯饮品添！另外就加左个蜜糖蒜香焗鸡。野食好快就到喇！芝士薯条铺有满满嘅芝士粉，薯条热辣辣，都不错呀！之后我杯特饮送上喇！好大杯呀！有成块面咁大呀佢个味道有少少似有汽嘅菊花茶，适合我依个钟意饮菊花茶嘅人。鱼串汤有两串鱼串，仲有菜添，可以中和一下食炸野嘅热气。主角炸鸡到！依个黄金炸鸡系无骨架，食落啖肉，适合懒惰嘅我食落有咸蛋嘅香，又唔会太抢，都几好食呀！仲有蜜糖蒜香味，依个系有骨嘅，有骨嘅会比无骨嘅滑少少，食落甜甜地，又中和一下咸蛋嘅咸味，不错呀！