Pizza Maru (荃新天地)

营业中

休息中

今日去左荃湾行街，终于试到呢间传说中既Pizza Maru，仲记得上次专诚去朗豪坊食佢，但因为佢啲炉坏左，咁即系少左选择啦。今次喺荃湾发现佢，就嗱嗱声排定队等食喇。我地一行四人，咁就可以试多啲野啦。手工泡菜芝士波内陷由车打芝士、泡菜、洋葱等混合而成。咬落去外层香脆，芝士同泡菜既味道同样突出，配合埋浓浓既芝士酱，作为一餐既开端，十分开胃。韩风蟹肉塔一如以往，有蟹肉既食物我都系会叫既，今次都唔例外。蟹肉塔除左有蟹肉，仲有牛油果、椰菜等，配合埋黑米烤簿饼，将蟹肉塞满然后一啖咬落去，既食到簿饼既香，亦食到蟹肉既鲜味，真系一流。韩烧烤肉波菜意大利饭由牛小排、菠菜、青豆、杏鲍菇、黑松露酱等制成，青豆可能相对较多同硬，令到成个饭口感有啲朁口，另外牛小排就烤得太熟，食落去太过韧。半半炸鸡：芝士秘制炸鸡。蜂蜜牛油秘制炸鸡炸鸡松脆香口，而且鸡肉嫩滑（除左一两件较鞋之外），配上蜜糖牛油粉末甜甜地又有牛油既香味。而配上芝士粉亦都口味香浓，亦有啲啲重口味。个人就偏向蜂蜜牛油味好食啲。泡菜海湾芝加哥（蜜糖杏仁边）里面有鲜虾、蟹柳、菠萝、粟米、灯笼椒、牧场酱、泡菜蛋黄酱、马苏里拉芝士等，口感非常丰富同有层次，而且芝