釜山炸雞批薩

营业中

休息中

马鞍山地铺一间好有惊喜嘅韩国餐厅，独特嘅五味炸鸡值得一试。可以堂食又可以外卖，外卖仲有9折添呀，以后搞大食会又多个选择喇！而且叫炸鸡仲会送可乐一罐，餐厅仲有好多款韩餐选择，经过不妨一试😊。五味炸鸡 $2395种分别系双重芝味、经典原味、蜜糖芥末、特色甜辣同洋葱蛋黄，全部去晒骨一字排开，个人最钟意双重芝味同特色甜辣，前者芝士味十分浓郁惹味，后者甜中带辣十分开胃。清炖牛肋骨汤 $88除咗牛肋骨仲有蛋丝同粉丝，汤汁充满牛骨嘅清甜同浓郁嘅香味，非常暖胃，送饭食十分之一流。人参鸡汤 $98有成半只鸡之外其他材料亦够充足，口味充满人参独特嘅甘香同鲜甜，而鸡肉亦煮到入晒味。无骨猪脚 $168完全无骨+切片，仲有生菜同酱汁跟埋俾一齐，食落咸香味突出，肉质软腍。