麵屋一平安 (已結業)

本来想去888, 但太多人, 唔想等, 就上左去一平安。星期6, 去到2点几pm, 无咩人, 就坐低左。见佢地用木筷子, 唔环保, 因我有私家筷, 即刻叫佢收返个木筷子, 点知转个头, 又俾一对我...... 叫野食, 2个人, 叫左个炸鸡拉面, 面豉拉面同饺子。虽然间野无咩人但都等左几耐.....2个拉面既味道都好浓, 味觉上觉得好味, 但太多味精, 我之后o个大半日都要不停饮水.....最好系个炸鸡, 入面多汁, 够滑, 不过好少。饺子麻麻地, 可以唔食都唔紧要。如果好味只系靠大量味精, 咁佢地既师傅都好失败。