My Ahjussi (已結業)

最近多咗揾大角咀返工嘅朋友食饭，今日就约定佢食韩国菜。呢间My Ahjussi嘅装修充满浪漫满屋嘅感觉！餐牌除咗中英对照之外，仲有韩文，可见佢哋嘅出品都几正宗。我都冇谂过食韩国菜可以有素食餐牌嘅选择，顾及不同需要嘅食客。点餐之后，店员会先奉上前菜，嚟得韩国餐厅，当然唔少得有泡菜啦，而另外两款就系腌萝卜同埋小紫薯，食完非常开胃。香港人就最钟意食卡邦尼意粉，而呢个Carbonara就混入咗泡菜一齐制成，呢个crossover完全系零违和感，真系出奇地夹㖞！依家食韩国菜，除咗食Kimchi之外，就一定令人谂起炸鸡，所以我哋都叫咗一份炸鸡食，因为朋友怕辣，所以拣咗蒜香蜂蜜味。佢嘅炸鸡真系超好食，外面脆，入面劲juicy，点解可以做得咁好食嘅呢?!😱热朱古力都有简单嘅拉花，呢个热朱古力奶味相对地重，而且唔太甜，都几好饮。简单嘅一杯柚子梳打，最紧要够冻！其实唔辣嘅韩国菜都有好多选择，而且都好好食㗎 ！