CHIMAC (香港科學園)

营业中

休息中

肥鸡每次一有铺瘾想去食炸鸡，好多时位于大埔科学园嘅CHIMAC 一戒口瘾。肥鸡钟意佢嘅地方系除咗佢嘅食物质素保持一贯水平之外，附近宁静嘅环境亦都令到肥鸡食得好安心同埋同朋友可以吹好耐水。肥鸡必点芝士炸鸡，佢嘅份量系何其大 ，肥鸡中意食未拆骨嘅鸡肉 ，因为咁样炸出嚟系最能够保持鸡肉嘅嫩滑同埋肉汁，再配埋咸香嘅芝士粉，一啖可乐一啖鸡， 配埋韩剧就一流。今次肥鸡嗌过锅物就系泡菜海鲜猪肉锅，佢嘅配菜一如以往 ， 都系紫菜拳头饭，炸鸡粒， 紫菜粉丝卷，芝士酱，成个锅食落去都丰富。佢嘅泡菜带有少少微辣 ，配埋弹牙嘅八爪鱼， 爽口嘅五花肉， 配饭食真系一流。