Sodam Chicken (已結業)

月底将有多位亲友到港，周四晚就亲有空尽量见多情人几面，与其闺密三人行，一访韩国连锁店「Sodam Chicken」，食炸鸡之余，仲试埋季节限定o既芝士火锅。餐店简洁企理冷气足，楼底又唔矮，入夜后开始人多都唔觉嘈吵。半梳化式散座宽阔舒适。等待两位靓女到步时，XO仔当然系要先啤一啤佢啦！女伴均为芝士迷，亦一早立心要食芝士锅，姐姐仔亦好有心机地讲解三人应该点份量及食材较丰富o既「特级芝士火锅」。小肥一向唔系咁钟意食「士」，所以就叫咗客「蜜糖芥末香葱炸鸡」衬托返杯啤酒。蜜糖芥末香葱炸鸡（$188）：炸鸡成座小山丘咁高，卖相已爆哂灯。炸鸡件皮层松脆香口，鸡肉软嫩且肉汁丰盛，以甜甜o既蜜糖芥末调味点缀已够可口美味，伴上葱丝食更添上多份惹味，超正！特级芝士火锅（$278）：大家要留意，因所有食材都要预先煮熟，芝士火锅需时制作。以多款芝士沟制o既芝士锅底一路都有蜡烛保温，仲可免费添加一次。六款锅料以拼盘呈上，另加农夫包粒一篮。小弟未玩过芝士火锅，影完相就将啲年糕放哂入个芝锅入面谂住滚热佢啦，哈哈，结果就俾甜心儿教训咗一顿。年糕烟韧软熟，轻巧讨好。红卜卜o既车厘茄爽脆多汁。伴上芝酱o既黄金炸薯条香口脆润