影片
更多
2017-12-27
230 浏览
23/12 临近圣诞o既一个星期六，已经holiday mood o既我约o左人o系尖沙咀一齐食个lunch 同之后行下。o系厚福街o个头揾o野食，时间已经过o左2 点半，其中一个朋友睄到加拿芬广场个广告牌，问大家食唔食茶木，佢话d tea set 好抵食，咁ok 就上o左去喇。点知坐低o左，原来星期一至五先有，今日无tea menu 亦都无lunch set，只可全散叫，sosad……我点o左份酥炸鸡扒面($67 未加一，下同)。其实最近小弟食o左好多热气o野，而之后暂定将会食o既圣诞大餐都唔方会健康得去边，不过见图又真系好吸引，无法抗拒，真系好邪恶……个面，汤底系牛肉汤，加上莞莤提味，几有台式风味，味道浓郁而不太咸。手作面咬起上o黎几烟韧唔错o既，只系d 面有少少黐埋一旧。主角炸鸡扒，份量ok 多，外面炸到非常松脆，但系味道好淡，我觉得麻麻地。即系佢一开始都唔系写呢份系「盐」酥鸡扒，但真系好似无乜调过味一样，得块皮o既油腻口感。其中一个朋友叫o左碗蚵嗲肉碎泡饭($73)，我舀o左d o黎试下，呢个反而有惊喜！其实我不嬲都觉得呢类汤饭o既texture 好怪：一系就饭一系就煲到好绵o
我点o左份酥炸鸡扒面($67 未加一，下同)。其实最近小弟食o左好多热气o野，而之后暂定将会食o既圣诞大餐都唔方会健康得去边，不过见图又真系好吸引，无法抗拒，真系好邪恶……个面，汤底系牛肉汤，加上莞莤提味，几有台式风味，味道浓郁而不太咸。手作面咬起上o黎几烟韧唔错o既，只系d 面有少少黐埋一旧。主角炸鸡扒，份量ok 多，外面炸到非常松脆，但系味道好淡，我觉得麻麻地。即系佢一开始都唔系写呢份系「盐」酥鸡扒，但真系好似无乜调过味一样，得块皮o既油腻口感。
其中一个朋友叫o左碗蚵嗲肉碎泡饭($73)，我舀o左d o黎试下，呢个反而有惊喜！其实我不嬲都觉得呢类汤饭o既texture 好怪：一系就饭一系就煲到好绵o既粥，唔好something in the middle d 饭烂烂地又浸o系水度，仲要系用蚝肉o黎煮，煲到颜色有d 似混浊o既污水，加上一旧旧蚝肉浮浮沉沉好似呕吐物咁……但系今次呢个味道真系几好，d 蚝连带个汤底鲜味得o黎一d 都唔腥，好易入口，连埋d 肉碎等配料，层次丰富，早知叫呢个仲好！
张贴
