TwoTwo Chicken (已結業)

今次朋友去了一间食炸鸡嘅店舖，同其他地方好唔同，先系大小上，比一般口开嘅鸡件细，但出奇地入味，而入口嘅大小就系可以一两啖就一件，而味道选择都有差不多六种，朋友爱吃刺激口味，今次点了四川麻香炸鸡同埋香蒜炸鸡各半只$88，四川麻香感觉就好似食麻辣鸡，不过今次系炸鸡版，肉质嫩滑软熟，入口时麻香扑鼻，一会麻辣感就出，幸好入单时要最少嘅麻辣，唔系其他味道都未必食得出，而蒜香炸鸡嘅蒜唔系同鸡一齐炸，而系炸完再沾上大量生蒜泥，劲正！浓郁嘅蒜泥，配上热辣辣嘅炸鸡，入口个种蒜香同嫩滑肉质真系好特别！另外叫了一个韩式香辣海螺冷面$118，海螺肉弹牙爽口，加埋软滑嘅冷面，一冷一辣，充满口感！份量足够二人一起吃！最后加多姜啤先至够畅快！