CHIMAC (天星碼頭)

营业中

休息中

中环想揾一间似样啲既韩国餐厅，真系好有难度，尤其系一人餐，好多都好大份，一定要一大班人去食先得。之前都睇过Chimac ，但未有机会食。最近又想食韩国菜，所以终于的起心肝去试，岀餐都几快，而且成个包装几靓♥️放得都几整齐。虽然炸鸡啲粉多咗少少，但真系几脆，味道不错，我点咗蒜香酱油味，好香，刚刚炸起，肉质都ok，仲有薯条同酸萝卜。再加18蚊跟餐，炒年糕，普普通通，有6,7粒年糕，暖，不过我外卖无所谓，可以返公司叮热。饮品我拣芦荟乐，几好，唔会太甜。整体都好，所以自己会再帮衬。