美談韓國

营业中

休息中

以前美谈喺360附近旧舖，行完山都会帮衬呢间正宗韩国菜，原来搬咗过去海堤湾畔。虽然离车站好远又有点隔涉，一班朋友都觉得要去新舖试下，东荟城尽头接驳天桥可以行过去。无订枱6点去到好彩仲有位。新舖分别有室内餐区和户外烧烤区。 点餐方法同以前一样，自己用纸仔写低，再交俾店员。五位入坐总共有7碟前菜，样样好味，记得无得添食前菜。炒粉丝暖暖的，再加埋香浓既麻油👍素菜都好好味无骨炸鸡，大大份好多件，每件炸鸡都脆卜卜，但又唔会巉口，鸡肉又嫩又多汁，个辣鸡酱微辣轻甜，非常出色，配埋腌渍刚刚好既萝卜粒👍👍辣薯仔排骨菜干汤，一大煲，好多旧排骨，好味但可惜好唔方便食。第一次点辣菜干汤，菜干好出味，再加埋辣辣既汤底，咸香辣好特别，估唔到都好夹👍紫菜包饭/海鲜葱饼/Makgeolli*记得要订位。餐厅位置虽然隔涉，但星期日晚6点几已经无位。