華姐清湯腩

营业中

休息中

听讲呢间华姐清汤腩好似几出名，趁放假就同屋企人嚟试吓。晏昼一点半嚟到，已经要开始排队，我哋排咗大约10分钟，就有位坐啦。我哋全部都嗌咗清汤牛腩河，各自拼墨丸、鱼蛋同萝卜。佢个汤底都算清甜，牛腩嘅份量都几多，但系比起一般嘅牛腩略嫌瘦左啲啲，个人认为如果带返多少少肥嘅话应该会更加好食。墨丸都几大粒，可以食到啲墨鱼粒，几好食。萝卜都算大件，好清甜。不过鱼蛋就普普通通，冇乜特别。不过值得一赞嘅系佢嘅炸鸡翼，十蚊一只虽然系有啲贵，但系真系炸得好好食，啲鸡肉好嫩滑，外脆内热，如果大家黎食嘅话都不妨试吓啦。