永順食店 (已結業)

并唔系元朗人, 有机会大乡里入城, 一早去openrice做下功课.  原来元朗人咁好口福, 大小食肆多国菜式任君选择.  我一早袋定几间入"我的餐厅", 行山前后-早餐、下午茶甚至晚餐都可以有得拣. 行完山刚好3点3, 小巴站最近系大荣华, 一班乡里谂住去大荣华饮茶, 唔知系咪中秋正日, 下午茶已截单, 立即实行Plan B, 有缘试左永顺. 呢间铺都几神秘, 揾到个大厦名但原来间铺唔喺大街, 围住楝大厦兜左个圈, 原来喺正门后面. 话虽如此, 去到2间相连铺都坐满人(大部份系男人), 心谂应该有D料到. 大家睇住墙上个餐牌, 又鸡翼, 又猪扒, 又一丁, 正系我地呢D"青少年"既至爱, 决定要配个柠乐黎贺一贺佢. 可怜我身怀六甲, 唯有揸项就命, 叫左猪扒蛋治加樽装鲜奶.  等左2,3个字, 食物开始上枱.  猪扒松化, 鸡翼嫰滑. 无他, 二个字, 新鲜. 有D唏嘘, 如此简单食材, 因为新鲜, 味道提升百倍. 元朗铁路相连, 交通方便, 楼价亦拍得住市区. 希望喺租金飞涨既环境下, 此类小店仍然有生存既空间.