漢堡佬 (已搬遷) 新店位置

今日经过新北江广场见到间排晒队既餐厅，好奇停抵睇睇啦，个餐厅细细间，装修冇咩特别。系菜式方面比其他间多左唔少选择既，留意到大家都系点汉堡，我都忍唔住点个试试先。我点左个元祖脆鸡汉堡($38)同椒盐一口鸡($38)。等左15-20分钟左右，终于拎到个汉堡喇。马上冲番屋企食汉堡，汉堡好大个，闻落已经好香牛油，炸鸡，酱汁味。一咬个汉堡炸鸡既肉汁爆晒出黎，炸鸡真系好大旧，啖啖肉既感觉真系好正。椒盐一口鸡肉质好嫩，椒盐好香，食到一啖接一啖，终于明白点解咁多人排队，系值得排！