小火焰韓式咖啡廳 (樂富廣場)

营业中

休息中

平时炸鸡就食得多，但高质素嘅炸鸡，老实讲，真系唔太多。印象中好似成日都要揾好耐甚至排好耐先有餐好食嘅炸鸡，难得老友带我去乐富一间寻常商场度觅食，竟然有高质炸鸡，实在喜出望外。我地首先叫咗个炸紫菜卷，平时我对紫菜麻麻，但呢个我系真系好钟意，因为炸到松化嘅紫菜外层同入边软Q有咬口嘅粉丝配合到天衣无缝咁，口感一流又好香口。之后就系重头戏——面包芝士炸鸡！炸鸡嫩滑juicy，完全唔鞋，同拉丝芝士超夹。另外仲有个薯角都劲好味，薯仔味好出，个人认为炸鸡配薯角或者畀芝士浸到软绵绵嘅面包都一样咁好味。佢嘅嘢饮同甜品都好出色㗎。我地order咗一个芒果雪花冰，雪花冰软绵绵有牛奶味，芒果酱酸酸甜甜解到腻，仲有另外叫咗朱古力糯米糍超烟韧，正！