Pizza Maru (已結業)

铜锣湾希慎广场shopping行到攰，十楼以上果几层好多食肆，今晚就上咗13/F果间Pizza Maru 食晚餐，呢度有韩式炸鸡，薄饼，仲有好多款韩国手工啤酒添！今晚好旺，人头涌涌，要等几分钟先有位！入座就点咗一个蜜糖柚子花园（$88）系蔬菜沙律，好新鲜、丰富柚子酱汁，甜甜地酸酸地，十分开胃的前菜！薄饼就叫咗一个泡菜海湾芝加哥（蜜糖杏仁边）$189系一个厚批，铺满芝士虾仁、蟹柳等饀料，围边部份嘅材料系有蜜糖同切薄片嘅杏仁，令食味更加提升。热腾腾嘅薄饼送上桌，色香味都非常吸引，芝士味道浓郁，加上虾仁蟹柳菠萝等饀料，十分之可口！十二件炸鸡可以选一半一半（各六件）不同口味的，选了蜂蜜牛油/蒜香甜辣（$198）两款炸鸡各有特色，蜂蜜牛油较干身，但鸡肉鲜甜，蒜香甜辣那款就十分惹味，微辣更觉可口！饮品就叫咗手工啤The joker （$87）是韩国手工啤，果香味浓，入口甘甜，回味不已！在这里食炸鸡薄饼，再呷一口手工啤酒，真的享受！