CHIMAC (德福廣場2期) (已結業)

餐厅位于九龙湾德福二期，无印良品楼上既food court.入到门口转右就会见到呢一间餐厅。我叫嘅系芝士炸鸡配卡邦尼意粉。饮品个方面有柠檬茶同汽水两个类别。睇落去似系柠檬茶太好卖啦！所以我唯有饮可乐。叫早餐之后，唔需要我等好耐，大概10分钟左右就有得食。芝士炸鸡上面沾满晒芝士粉，因为我拣咗无骨鸡所以咬落去啖啖都系肉。肉汁一咬即刻弹出嚟，好juicy. 一啖鸡一啖意粉，滋味真系非常配合。意粉要自己捞匀先至好食。意粉上面本身都有少少芝士粉所以如果捞得唔匀嘅话呢系好容易食到颗粒感。意粉入面仲有好多嘅烟肉同埋蘑菇。意粉软硬适中，唔算粗身。配炸鸡嚟食系相当特别嘅一种食法。讲真，以$65嘅价格来讲算系值回票价，性价比好高。